Kryetari i Partisë Demokratike Lulzim Basha, i cili ndodhet në Uashington për ceremoninë e inaugurimit të Trump, shprehet optimistist për ardhjen e këtij të fundit në krye të SHBA-së.
I ftuar te “Zëri i Amerikës”, Basha thotë se administrate e re e SHBA-së me në krye Donald Trump-in, nis një erë e re për Shqipërinë dhe shqiptarët.
“Ndaj nga kjo vizitë, deri tani sepse nesër kemi ditën e madhe në Uashington, dua të ndaj me gjithë shqiptarët kënaqësinë e madhe të një Uashingtoni që mbetet thellësisht i interesuar për përparimin dhe zhvillimin e Shqipërisë dhe të një administrate të re të presidentit Trump që pret me padurim të vazhdoj kontributin për sigurinë, shtetin ligjor dhe zhvillimin e Shqipërisë dhe të shqiptarëve në të gjithë rajonin. Kam patur rastin të flasë edhe për problemet e fundit në Kosovë dhe çështjet e stabilitetit rajonal në tërësi dhe ju them në fund të kësaj interviste se për partinë demokratike me ardhjen e presidentit Trump nis erë e re, jo vetëm për Amerikën por edhe për Shqipërinë, ku në qendër do të jetë qytetari dhe fuqia e qytetarit, vota e qytetari, zëri i qytetarit do të përbëj ndryshimin e vërtetë. Unë do të mbështetem fuqimisht tek ky shembull dhe kam besim te madh se ky shembull jo vetëm do mbështesë por edhe do të frymëzojë një ndryshim të shpejtë në Shqipëri.”, shprehet Basha.
Në këtë intervistë, Basha ka folur edhe për mënyrën se si ai do të marrë pjesë në ceremoninë e inaugurimit të presidentit të ri.
Ai sqaron se ndryshe nga sa përflitet në mediat shqiptare, kreu i opozitës ka marrë ftesë zyrtare nga anëtarë të partisë republikane, dhe nuk ka blerë asnjë biletë online. (D.D/Shuplaka)
