Basha në “Zëri i Amerikës”: Votimi elektronik i mundshëm, e kemi kërkuar që në maj 2016

I ftuar në studion e Zërit të Amerikës në Washington, kryetari i PD-së Lulzim Basha ka folur për tema të aktualitetit politik në Shqipëri.

Ai foli për vjedhjen e votave në Korçë, ndërsa nuk anashkaloi as ato në Dibër.

“U filmua një proces i turpshëm i shit-blerjes së votës por në korrik të 2014-ëls qeveria amnistoi blerjen e votës në Korçë. Ky ishte paralajmërimi i asaj që ndodhi në vitin 2015″, tha Basha.

Sa i përket numërimit dhe votimit elektronik, kreu i opozitës u shpreh se kjo kërkesë është bërë që në vitin 2011, ndërsa kërkesa zyrtare është dorëzuar që në maj 2016.

Debati ka nisur që në vitin 2011, u bë prova në vitin 2013. Ne e kemi bërë kërkesën në maj 2016. Që pas zgjedhjeve të 2015-ës kam kërkuar zyrtarisht votimin elektronik”, shtoi kreu i PD-së. 

Sipas Bashës, numërimi dhe votimi elektronik është mëse i mundshëm brenda 5 muajsh. (A.R/SHUPLAKA)