Mes protestuesve në ditën e katërt të protestës, kryetari i Partisë Demokratike, Lulzim Basha, theksoi sërish se protesta do të vijojë deri në largimin e Ramës dhe krijimin e qeverisë teknike.
Ai u shpreh se opozita është e vendosur të qëndrojë deri në fund, për garantimin e zgjedhjeve të lira dhe vendosjen e demokracisë.
Më tej, Basha u shpreh se çdo instiucion ka rënë, shteti ka rënë, ndaj bëri thirrje për bashkim të qyterarëve. Kryedemokrati paralajmëroi se shumë shpejt do të ketë një zgjerim të shumicës absolute të 18 shkurtit.
“Duke u ngritur bashkë do të lindim një Shqipëri të re për çdo shqiptarë. Është një kauzë më e madhe se Shqipëria jonë, një kauzë për Shqipërinë e së ardhmes. Jemi këtu e do të jemi këtu çdo ditë e më shumë deri në fitore, largimin e këtin kryeministri dhe krijimin e qeverisë teknike që garanton votën e lirë për qytetarët.
Shumica absolute që treguat të shtunën do jetë më e madhe shumë shpejt. Kur çdo institucion ka rënë, kur shteti ligjor ka rënë, parlamenti dhe drejtësia kanë rënë, kur ekonomia ka rënë sepse pasuria është në duart e një grushti olgarkësh, kur mediat kanë rënë, a nuk është koha ta rrëzojmë këtë qeveri?
Dy rrugë ka: ose do të pranojmë të shkatërrojnë ose do të qëndrojmë bashkë këtu derisa të rrëzojmë këtë qeveri.
Gazetarë u larguan nga puna se nuk pranuan të ishin pjesë e lëpirjes së Ramës, sepse ngritën zërin për vdekjen e 17-vjeçarit në Sharrëz, ku fajtor është kastraveci i Tiranës. Falënderojmë gazetarët që në kushtet e presionit po mundohen t’i tregojnë Shqipërisë dhe botës fytyrën e vërtëtë.
Nuk ka detyrë më të madhe se sa këtë progres ta shtrijmë anembanë Shqipërisë. Asgjë nuk do të jetë më si më parë deri sa vullneti i qytetarëve të respektohet. Sot dua të përshëndes gjimnazistët e Tiranës që janë bashkuar me vullnetin e tyre të lirë.
Nuk e di pse kanë ardhur. Edhe unë kur isha gjimnazist mora shokë e shoqe dhe iu bashkova lëvizjes së Dhjetorit.”, u shpreh ndër të tjera Basha. (XH.A/SHUPLAKA)
Discussion about this post