Në vazhdim të fjalës së tij nga Dibra, kryetari i Partisë Demokratike, Lulzim Basha, pasi përsëriti ftesëm ndaj Edi Ramës për një debat të hapur televiziv ku të prezantohen programet, tha para dibranëve se me Republikën e re, ai do të jetë kryeministri i të gjithë shqiptarëve.
Basha premtoi se si kryeministër i ri do të jetë krah pensionistëve, studentëve, fermerëve, duke iu qëndruar pranë të gjithë shqiptarëve, për t’iu siguruar mirëqënien e munguar.
“Dje ia thashë nga Fieri, sot ia përsëris nga Dibra ftesën për debat të drejpërdrejtë televiziv. Le ta dëgjojnë dibranët, le ta dëgjojnë shqiptarët. Cili është bilanci yt, cili është program yt? Cili është programi im… Mos ua moho debatin shqiptarëve, përgjigju e dil në debat.
Unë do të jem kryeministri i dibranëve, i njerëzve punëtorë. Do të jem kryeministri që do të rrisë ndihmën ekonomike, kryeministri i pensionistëve shqiptarë, i rinisë dhe studentëve, do të rihap universitetin e Dibrës. Unë do të jem kryeministri i fermerëve që do të marrin drejtpërdrejt ndihmë financiare nga shteti. Unë do të jem kryeministri i të papunëve, çdo lek do tyë shkojë për të punësuar shqiptarët. 1 miliardë euro në vit do të investojmë. Rroga më të larta, më shumë mundësi për punësim. Këto janë objektivat e mia.
Iu hoqa vizat, iu ktheva dinjitetin. Tani iu kërkoj të më besoni të nisim Republikën e re, që do të thotë kryeministri i shqiptarëve. Ekonomia është themelore, është prioriteti im i parë, prioriteti ynë i parë, do të ndryshojë e do të çlirojë mundësi. Do të keni një kryeministër që do të punojë natë e ditë vetëm për mirëqënien tuaj.
Që të ndodhin të gjitha këto, këtë e keni në dorë vetëm ju. Më 25 qershor, vota juaj do të bëjë ndryshimin. Ose zgjidhni teatrin e kukullave, absurdin, ose merrni Dibrën në dorë me votën tuaj. Ju e keni në dorë. Ndryshimi po vjen.”, u shpreh ndër të tjera Basha.
(XH.A/SHUPLAKA)
Discussion about this post