Kreu demokrat Basha nga Fieri ka ftuar kryeministrin Rama për një debat televiziv. Në çeljen e fushatës elektorale në Fier kryeopozitari Basha u shpreh se qytetarëve nuk u mjaftojnë palmat por duan 300-mijë vendet e punës.
Fjala e Bashës:
Politikanët e papërgjegjshëm si Edi Rama kanë sjellë një mosbesim të madh te politika, ne do të ndryshojmë dhe do ta përmbysim në 25 qershor. Miku ynë McWeen tha se në fushatë do ketë batuta, truqe, të gjitha kanë një qëllim, të heqin vëmendjen e qutetarëve nga çështjet kryesore, a kemi më shumë vende pune, universitet me tarifa më të ulta, a keni marrë subvensione, secili duhet të bëjë llogaritë. Ditë përditë një grusht politikënsh ju varfërojnë, 300-mijë vende pune premtoi, askush nuk e harron, premtoi shëndetësi falas, dhe nuk jep llogari para shqiptarëve, merret me ekipin tim.
Sonte e ftoj për një debat televiziv me kandidatin për kryeministër të republikës së re. Edi Rama, mund të shëtisësh në Shqipëri por nuk i çon dot 4 javë me mashtrime e barsaleta. Eja në debat bëj bilancin tënd, ti bilancin tënd, unë bilancin tim, ti programin tënd, unë programin tim dhe qytetarët të vendosin me votën e tyre. Ftesën e bëra publike, po s’e pate dëgjuar po ta nis edhe me shkrim.
Ndonjë punë edhe e ka bërë, unë vetë i kam parë palmat me sytë e mi, mijëra palma, palma dhe fasada shumëngjyreshe (M.D/ Shuplaka)
Discussion about this post