Lulzim Basha ishte i pranishëm sot në fushatën përmbyllëse në Kavajë bëri thirrje për të ndëshkuar me votë kryeministrin Edi Rama pasi premtimet e tij u vyshkën si palmat që mbolli.
“Ju do shembni tullën e krimit që mbajti peng Kavajën, në favor të Ramën e Rroshit. Dallga e fitores është ngritur nga Saranda e Gjirokastra deri në veri. Të gjithë jemi të bashkuar me një qëllim, të refuzojnë me votë krimin në pushtet, oligarkët që i morën frymën vendit, njeriut që është përgjegjës për këtë mjerim të vendit. Të rrëzojmë Rilindjen e dështuar dhe inkriminuar.
Rama kurrë nuk pati një plan për Kavajën, Shqipërinë, por vetëm për timonin, që do të thotë i gjithë pushteti në dorën e tij. Me taksat mbolli palma, që janë vyshkur si vetë premtimet e Ramës. Ai kishte prioritet tekat dhe qefet e veta. Vendimi që do merret është nëse do vazhdojmë edhe me 4 vite fasada, krim e arrogancë, apo sëbashku do rrisim ekonominë, do ulim taksat. Reforma në Drejtësi me institucione që i shërbejnë qytetarëve po vjen, askush nuk e ndal dot,” tha Basha.
Discussion about this post