Kreu i opozitës Lulzim Basha nga Shkodra i ka dhënë një mirënjohje Arben Brocit, Bujar Bishanakut, Besnik Ceka dhe Nazmi Kryeziut që sipas Bashës janë heronjtë e demokracisë. Basha shtoi më tej se 26 vite më parë luftuan për lirinë me çmimin më të madh, me jeten e tyre. Kreu i PD-së zhvilloi një vizitë tek memoriali i ‘2 Prillit’ në Shkodër për të përkujtuar masakrën e 2 prillit 1991. Basha u shpreh se sot kemi një politike të rinovuar me krimin dhe janë ende ata që përgjaken Shkodrën përpara 26 vitesh.
“Amaneti i Arben Brocit, Bujar Bishanakut, Besnik Cekës dhe Nazmi Kryeziut, do të kryhen deri në fund. Sot e bekoftë Shkodrën, zoti e bekoftë martirët tanë, zoti e bekoftë Shqipërinë. Tashmë kjo republikë me themelet e saj e ka të pamjftueshme për të mbajtur ngrehinën e shpresave dhe ëndërrave që burojnë nga gjoksi i shiptarëve të emancipuar që nuk mund të pranojnë asgjë përvec standartit europian dhe eruo atlantik duke filluar nga zgjedhjet e lira dhe të ndershme.”, u shpreh Basha nga Shkodra. (J.V/Shuplaka)
