Në këtë betejë në këto ditë dhe netë janë bashkuar shqiptarët, kanë pasur fjalën dhe janë shprehur përfaqësuesit e rinisë dhe të studentëve, por sot fjalën e ka brezi i tretë që me mund e sakrifica kanë rritur këtë rini shqiptare. Për gjithçka kanë bërë. Por nuk gëzojnë as respektin, as konsideratën e kësaj qeverie.
Prandaj jemi mbledhur sot këtu. Nuk mund të kemi qeveri të re nëse nuk merr përsipër kujdesin e plotë për brezin e tretë, pensionistët. Jemi mbledhur sot këtu që të dëgjojmë nga ky parlament i vërtetë problemet e vërteta që qeveria nuk do t’i dëgjojë.
Premtuan rritje pensionesh, por ato nuk janë rritur. Ju e dini shumë mirë se ç’do të thotë kjo. Pensionet janë rritur më pak se ç’është rritur inflacioni. Po faturat e ujit, po kujdesi i shërbimeve të shtetit ndaj pensionistëve që nuk kanë para të mbyllin muajin.
Kush ka zgjidhje për këtë problem? Jo kjo qeveri. Pensionistët nuk kanë nevojë për lëmoshë. Nëse u jep miliona euro për koncesione dhe tendera korruptivë me zero shërbime, sigurisht që nuk do të mbeten para për pensionistët, studentët, qytetarët.
Në republikën e re kjo do të ndryshojë. Tenderat korruptivë, koncesionet korruptive do të anulohen. Ju zotohem se këto para do ua nxjerrim nga xhepat e fryrë e do i kthejmë në pensione, shëndetësi për shqiptarët. Reformat tona do rrisin ekoniminë, do ulin informalitetin. Mos kemi pensione nën 250 mijë lekë në muaj. Kjo është plotësisht e mundur nga qeveria e re.
Në fund të mandatit të parë të qeverisë së parë të republikës së re, nuk do të ketë pension nën 250 mijë lekë. Ju e kuptoni se çfarë do të thotë kjo. Këto para nga diku do dalin. Sot i kanë një grusht njerëzish që jetojnë si sheikë. Do ua marrim këto para.
Ndaj them se kjo është një luftë. Ata do përpiqen të mos i dorëzojnë këto para, qytetarët do vazhdojnë të lëngojnë në qeveri. Kjo është mënyra e tyre se si ata janë pasuruar, përmes një qeverie të kapur, fasadë, që u shërben atyre.
(XH.A/SHUPLAKA)
Discussion about this post