Një ditë pas deklaratës së fortë të tij drejtuar protestuesve me objekt qeverinë, kryetari i Partisë Demokratike, Lulzim Basha ka vijuar me deklaratat e tij të forta.
Nga “Sheshi i Lirisë”, ai u shpreh se nuk do të ketë zgjedhje fasadë. Nuk bëhet fjalë për lojë, por për luftë. Ai u bëri thirrje qytetarëve që shuplakës t’i përgjigjen me grusht.
“Zgjedhje fasadë, për të kaluar rradhën nuk ka për të pasur. Kush nuk e ka dëgjuar ta dëgjojë e t’i vërë gishtin kokës. Këtu flasim e shkëmbejmë mendime, i japim zemër njëri-tjetrit. Por kjo nuk është lojë, as fati e as hallet e kryefamiljarëve e fëmijëve tanë.
Kjo është një luftë nga e cila do të kthehemi vetëm me fitore. Iu kam thënë që jam gati të luftoj deri në fund dhe iu kam pyetur. Kjo është një luftë pa kthim.
Një grusht kriminelash, derrash oligarkë që iu vjedhin dhe iu zhvasin. Kanë bërë një bast të madh, miliarda nga droga, koncesionet, tendera. Ky është interesi dhe loja e tyre. përballë krimit dhe miliardave të korrupsionit, ka dhe do të ketë vetëm një forcë, bashkimi i madh i qytetarëve shqiptarë.
Ushtria e paqes, kjo është ushtria e vendosmërisë. Durimi ynë nuk duhet të merret për dobësi, provokimet nuk do i durojmë. Faqen tjetër nuk do e kthejmë. Na godisni me shuplakë, do ua kthejmë me grusht. Mos u shtrini përtokë, mos ktheni faqen tjetër, goditini me grusht.”, u shpreh Basha.
(XH.A/SHUPLAKA)
Discussion about this post