Kreu i PD-së Lulzim Basha ka publikuar disa foto të famijeve që janë përjashtuar nga ndihma ekonomike në Vorë.
Sipas tij fëmijët e këtyre familjeve ushqehen me turshi në mëngjes dhe janë të zhytura në borxh për të mbijetuar.
‘’Në bisedën mes tyre kryefamiljari i tregoi Bashës se ia hoqën ndihmën 4800 lekë, për shkak se nuk plotësonte pikët, ndërkohë që tregon gjendjen e mjerueshme të barakës dhe vajzat që po ushqehen në mëngjes me lakër turshi dhe qepë të njoma’’, thuhet në njoftimin e PD-së.
Familja jeton në një ish-depo armatimi në zonën e Vorës.
“Fëmija ka një javë pa shkollë sepse nuk e mbajnë në klasë, u prish mësimin të tjerëve. Më thanë me e shtru në spital. U thash, nuk kam mundësi, sepse atje çdo gjë do lek. E kam provuar. Kam blerë deri tek shiringat, vigonat, çdo gjë. Rrija me shpresën e ndihmës ekonomike, edhe atë e hoqën. Ka shkuar aty ku nuk mban”, shprehet e ëma.
(E.K/FAXWEB)