Kryetari i PD-së, Lulzim Basha, ka publikuar sot shifrat zyrtare lidhur me numrin e bizneseve që janë mbyllur në Shqipëri gjatë muaji janar 2018.
Në një postim në Facebook, Basha thotë se qytetarët nuk duhet të t’i besojnë dokrrave të Kryeministrit Rama.
Basha në Facebook:
1747 biznese mbyllën qepenat për të mos i hapur më.
Kjo shifër zyrtare, është vetëm për janarin që sapo kaloi, një përkeqësim prej 35 për qind krahasuar me një vit më parë.
1747 biznese që nuk munden më.
Zgjidhni vetë kujt i besoni, dokrrave që predikon Edi Rama për rritje dhe mirëqenie, apo vendimit të dhimbshëm që kanë marrë në janar 1747 biznese për të mos ushtruar aktivitetin, për shkak të taksave të larta, agresionit qeveritar, rënies së konsumit dhe mungesës së perspektivës.
1747 biznese vetëm në janar, që nuk munden më, janë ekonomia reale, janë dëshmia kritike për krizën e rëndë. Janë klithma urgjente për ndryshim të thellë politik dhe ekonomik.
(F.G/Faxweb)
