Kryetari i Partisë Demokratike, Lulzim Basha, ka paralajmëruar sot Lëvizjen Socialiste për Integrim se do të vazhdojnë të ikin të tjerë drejtorë nëse ata shantazhojnë apo mashtrojnë qytetarët për votën e zgjedhjeve parlamentare të 25 qershorit.
“Ankohen se kanë ikur 20-30 drejtorë. Do ikin edhe 300 të tjerë nëse shantazhojnë qytetarët. Koha e mashtruesve po merr fund. Po vjen koha e njerëzve punëtorë të Mallakastrës dhe gjithë Shqipërisë.
Republika e vjetër kapitulloi duke nënshkruar reformën kushtetuese dhe zgjedhore.”, u shpreh Basha nga takimi i sotëm elektoral në Mallakastër.
Kujtojmë ndër të tjera shkarkimin e Majlind Lazimit nga posti i drejtorit të Përgjithshëm të Postave, i emëruar në 2014-ën nga Lëvizja Socialiste për Integrim. Lazimi ishte drejtori i parë i LSI-së që prekej nga shkarkimi.
(XH.A/SHUPLAKA)
