Kreu i opozitës duke folur nga çadra e opozitës është shprehur se në rast se nuk ka zgjedhje të lira e të ndershme drejtësia nuk mund të jetë e pavarur po nën kërcënimin e krimit.
‘’Çfarë do të ndodh nëse nuk kemi zgjedhje të lira e të ndershme. Këta gjyqtarë dhe prokurorë të ndershëm do të vendosën nën shënjestër të krimit të organizuar. Do të kenë të njëjtën fat me Falkonen që ranë pre e bandave dhe krimit.
Kjo është e vërteta e Shqipërisë sot. Është politika e lidhur me krimin që polii drejtësinë e korruptuar. Për këtë ka vetëm një ilaç, zgjedhje të lira dhe të ndershme. Zgjedhjet e lira e të ndershme nuk mund të jenë kountribut i një kompromisi. Saga e zgjedhjeve të korruptuara duhet të marrë fund njëherë e përgjithmonë.
Protesta jonë është një shërbim që iu bëhet qytetarëve, një atdhedashuri më e kulluar, ndaj është edhe një lëvizje paqësoe, jo vetëm që një lule nuk është prishur po lulet po lulkëzojnë më shumë se kudo. Në këto kushte dua të njoftoj të gjithë publikun se koalicioni qeveritar i mbledhur sot nuk do të hyjë në zgjedhje. Ky është vendimi ynë deri në realizimin e një pakti kombëtar për zgjedhje të lira e të ndershme dhe një qeveri teknike.
Forca jonë është tek bashkimi, tek vendosmëria, te natyra paqësore por e vendosur e kësaj lëvizjeje. Ndaj vendimi i dytë i kësaj opozite është mbajtja në 7 maj në Kavajë të një proteste të madhe kombëtare, për të pamundësuar me forcën e bashkimit zgjedhje fasadë të zotëruara nga krimi. Kurrë më nuk do ta lëmë fatin e tyre në dorën e krimit. Sot në 6 pasdite ju ftoj të bashkohemi me 27 krerët e partive opozitare. Për të ndarë me ju lajmin e mirë se koha e zgjedhjeve fasadë po përfundon njëherë e mirë’’, deklaroi Basha. (E.K/SHUPLAKA)
Discussion about this post