Kryetari i P-D-së Lulzim Basha në deklaratën e tij pasi doli nga Krimet e Rënda tha se ai është pyetur në lidhje me “nxjerrjen e sekretit shtetëror” në lidhje me çështjen “Toyota Yaris”, pas akuzave të tij ndaj Taulant Ballës si pritësi i 3.4 milionë eurove.
Basha tha se në këtë aferë janë të përfshirë edhe dy deputetë të PS-së Ulsi Manja dhe Jurgis Çyrbja.
“Prokuroria ka kërkuar dëshminë time për hetimin që ka hapur në lidhje me nxjerrjen e ”sekretit shtetëror”. Sa i përket veprës kriminale të futjes së parave të krimit, ky veprimm dëshmon se denoncimet e mia publike për përfshirjen e Taulant Ballës janë të vërteta. Sot mund t’ju them se në këtë aferë janë të përfshirë Ulsi Manja dhe Jurgys Çyrbja. Kam ardhur me dëshirë sot në prokurori për tu dëshmua shqiptarëve se ku ka degraduar Prokuroria, në vend të hetojë se kush qëndron pas transaksioneve kriminale të milionë eurove, kush i garanton këto akte të rënda, po heton si nxjerrje të sekretit shtetëror”, tha Basha ndër të tjera. (B.H/FAXWEB)
Discussion about this post