Kreu i Partisë Demokratike, Lulzim Basha ka reaguar pas protestës së djeshme e cila u mbyll pak para mesnatës.
Përmes një postimi në Twitter, Basha shprehet se “nuk ka kompromis me ëndrrën tonë “E duam Shqipërinë si gjithë Europa”, me standardet europiane për zgjedhje të lira, drejtësi dhe ekonomi të lirë!”.
Ai thekson se ky është fundi i qeverisë-bandë të kapur duke vjedhur zgjedhjet me kriminelët.
Postimi i plotë:
Ky është fundi i qeverisë-bandë të kapur duke vjedhur zgjedhjet me kriminelët, kërcënimi nr.1 për demokracinë, sigurinë, mirëqenien. Nuk ka kompromis me ëndrrën tonë “E duam Shqipërinë si gjithë Europa”, me standardet europiane për zgjedhje të lira, drejtësi dhe ekonomi të lirë!
Kujtojmë se kryedemokrati Lulzim Basha ka mbajtur fjalën e tij në mbylljen e protestës së opozitës e cila pëfundoi pak pra mesnatës.
Në fjalën e tij Basha, duke e cilësuar protestën si më të madhen në historinë e vendit, shprehu mirënjohjen për pjesëmarrësit duke e cilësuar protestën si një sukses ndaj kauzës.
“Mirënjohje të thellë për qytetarët dhe qyetaret e Shqipërisë për ketë qëndresë monumentale për orë të tëra në këtë muzg të tiranisë dhe bandës kriminale në pushtet dhe lindjes së demokracisë së re për shqiptarët (lexo këtu).
Nërkohë policia ka vijuar që prej mesnatës së kaluar dhe deri më tani shoqërimet në komisariate të protestuesve. Mësohet se deri më tani janë ndaluar të paktën 40 qytetarë të cilë akuzohen pë pjesmarrje në tubime të paligjshme, dhunë ndaj punonjësve të sigurisë dhe prishje të rendit dhe qetësisë publike (lexo këtu)
(F.GJ/FAXWEB.AL)
