Lulzim Basha ka folur pas takimit me Ramën në Presidencë. Ai u shpreh se takimi ishte një përsëritje i takimit të djeshëm që po ashtu dështoi.
Fjala e Bashës:
“Takimi i sotëm ishte i përsëritur si ai i djeshmi, erdhi pa ofertë, buron nga mungesa e vullnetit për të realizuar krizën e rëndë, si rezultat i rendit dhe sigurisë, si rezultat i mosrealizimit të dy problemeve tashmë ndërkombëtarisht të njohura.Kjo përbën një mos premisë për zgjidhje, nëse nuk pranohet nga pala tjetër se kriminelët e veshur me pushtet përbëjnë rrezik, vendi ka nevojë për zgjidhje politike, këtë e thonë shqiptarët, PD dhe e gjithë bota. E di bota se Shqipëria ka akumuluar një problem të tmerrshëm, të kriminelëve në zyrat e shtetit. E gjithë bota e njeh problemin e jashtëzakonshëm të drogës, pusheti e përdor drogën si një instrument asgjësimi të vullnetit të qytetarëve. Zgjidhja sipas kryeministrit nuk është politike, monitorimi nuk mund të kufizohet as nga instuticionet, përkundër kërcënimeve, ne nuk mund të pranojmë të jemi alibi e këtij procesi.
Populli nuk është i gatshëm të pranojë vjedhjen, por do të jetë i gjithi në këmbë për të pamundësuar këtë. Ajo që është ofruar sot është një proces monitorimi dhe një zgjidhje që presin të gjithë shqiptarët. Kolona e parë është një qeveri teknike, me një mandat për të ndalur krimin dhe drogën, eksplorimi i mundësisë që brenda 6 muajve të mundësohet votimi elektrionik. Propozimet e ofruara që më ishin bërë të ditura përmes kanaleve apo kryeministrit nuk ofrojnë zgjidhje dhe katër ministra të propozuara nga opozita, nuk ofrojnë asnjë garanci. Ne kemi paraqitur dy shtylla, por nga ky propozim nuk kemi marrë asnjë përgjigje. Jam i gatshëm që çfarëdo që PD dhe unë mund të ofrojmë ta bëjmë, por jo tu japim qytetarëve alibinë se mund të votojnë të lirë e të pacënuar, kur krimi politik është realiteti. Propozimi im ishte mjaft i thjeshtë. Ofron garanci politike për një numër problemesh që ju i njihni mjaft mirë, votimi i shumëfishtë, votimi tjetër për tjetër. Qytetarët të votojnë në një dhomë pa komisionerët e PD. Jemi në proces negociatash, fakti është që Edi Rama mbetet te propozimi i djeshëm”,-tha Basha.
(M.D/Shuplaka)
