Kryetari i Opozitës Lulzim Basha ka mbledhur në një takim përfaqësues të sipërmarrjes italiane në Shqipëri. Sipas Bashës vendi ynë ofron mundësi të mira të të bërit biznes, po politikat e zbatruara nuk janë më të mirat e mundshme.
Sipas Bashës kryefjala e programit të Partisë Demokratike do të jetë ekonomia e lirë dhe sundimi i ligjit. Lufta kundër korrupsionit është një faktor tjetër mjaft i rëndësishëm për kreun e opozitës.
”Sot do të takohem me një grup prej rreth 90 investitorësh italianë, shumica prej të cilëve kanë ardhur nga Italia me interesin për t’u njohur me propozimin tonë ekonomik për të ardhmen. Bashkë me sipërmarrësit do të jenë senatori Paolo Romani, ish Ministër i Zhvillimit Ekonomik dhe sentori Mario Mauro, ish-Ministër i Mbrojtjes së Italisë. Do të bashkëbisedojmë për vizionin dhe politikat ekonomike që ne do të ndërmarrim pas zgjedhjeve të 18 qershorit. Ne jemi të vendosur dhe të përgatitur të kthejmë punën dhe investimet në vend. Fasadat nuk prodhojnë mirëqenie. Fabrikat, hidrocentralet, rrugët, investimet e huaja krijonë punësim, zhvillim dhe mirëqenie.”, tha Basha para takimit.
Discussion about this post