Kreu i opozitës Lulzim Basha, flet sërish për situatën ekonomike në vend. Duke iu referuar deklaratave të biznesmenëve të cilët ishin sot të pranishëm në protestën e opozitës, Basha shprehet se qeveria aktuale apo “Republika e vjetër” është një komplot ekonomik kundër qytetarëve.
Sipas tij, Shqipëria konsiderohet nga sipërmarrësit gjermanë si vendi i fundit në rajon për të investuar, ndërsa bizneset austriake në Shqipëri mendojnë se situata ekonomike në vend është përkeqësuar.
REAGIMI I BASHËS
Në Sheshin e Lirisë biseduam sot me pedagogë, ekonomistë, sipërmarrës e qytetarë për klimën e biznesit dhe gjendjen e ekonomike të vendit.
Arben Dhamo, sipërmarrës i vogël nga Lushnja, dënoi rritjen e vazhdueshme të taksave këto katër vjet. Gerti Daqi, pas 18 vite emigrim në SHBA, ku përfundoi doktoraturën për ekonomi, u kthye në Shqipëri, por gjeti politika që, jo vetëm nuk stimulojnë ekonominë, por rrënojnë biznesin e vogël, veçanërisht për shkak të taksave të larta. Pedagogu Fatbardh Sallaku foli për dështimet e qeverisë për të përmirësuar sektorin bujqësor. Besnik Aliaj tha se gjatë qeverisjes socialiste biznesi është përqëndruar në dorën e një grupi gjithmonë e më të vogël njerëzish. Mateo Spaho solli statistikat e INSTAT-it që dëshmojnë papunësinë e lartë dhe dështimin e qeverisë në hapjen e vendeve të punës. Ekspertë të ndryshën folën për klimën e keqe për investime.
Shqipëria konsiderohet nga sipërmarrësit gjermanë si vendi i fundit në rajon për të investuar, ndërsa bizneset austriake në Shqipëri mendojnë se situata ekonomike në vend është përkeqësuar. Qytetarët folën rreth rritjes së çmimeve që ka shtrenjtuar jetesën.
Republika e vjetër është një komplot ekonomik kundër qytetarëve, një skemë e zhvatjes së çdo qindarke nga qytetarët e thjeshtë të republikës, të djathtë apo të majtë, në favor të një grushti pushtetarësh dhe oligarkësh. Ky komplot do të vazhdojë nëse nuk sigurojmë zgjedhje të lira dhe të ndershme, për t’i hapur rrugën Republikës së Re që do të transformojë ekonominë përmes taksave të ulta, konkurrencës së ndershme dhe mundësive për të gjithë. #NgrihemiBashke#ZgjedhjeTeLira #RepublikaeRe (D.D/Shuplaka)
Discussion about this post