Basha për lirimin e Haradinajt: Jam i gëzuar, ama ndaj Serbisë të ushtrohet trysni…

Pas vendimit të Gjykatës franceze për lirimin me kusht të kreut të AAK-së Ramush Haradinaj, ka reaguar kreu i opozitës shqiptare Lulzim Basha.

Nëpërmjet një shkrimi të publikuar në Facebook, Basha shkpreh gëzimin e tij për këtë vendim të gjykatës.

“Jam i gëzuar që drejtësia franceze ka marrë një vendim që lehtëson padrejtesine ndaj Ramush Haradinajt. Uroj që drejtesia e plote te behet sa me pare dhe Ramushi të lihet sa më shpejt i lirë për t’u kthyer në Kosovë.”, shkruan Basha.

Megjithatë, kreu i opozitës bën thirrje që Serbisë t’i ushtrohet trysni për të anuluar urshërarrestet.

Shkrimi i plotë: 

“Jam i gëzuar që drejtësia franceze ka marrë një vendim që lehtëson padrejtesine ndaj Ramush Haradinajt. Uroj që drejtesia e plote te behet sa me pare dhe Ramushi të lihet sa më shpejt i lirë për t’u kthyer në Kosovë.
Urdhërarrestet e Serbisë janë jo vetëm padrejtësi personale ndaj njerëzve si Ramushi që kanë sakrifikuar për lirinë e Kosovës, por janë njëkohësisht sulm ndaj vetë pavarësisë së Kosovës dhe integritetit të saj politik. 
Ka vetëm një garanci që kjo padrejtësi ndaj Kosovës të mos përsëritet më: të detyrohet Serbia të anullojë urdhër arrestet për luftëtarët e Kosovës.
Kjo është detyra kryesore e qeverisë tonë: trysnia ndaj Serbisë dhe kerkesa ndaj vendeve të tjera për të ushtruar trysni mbi Serbinë.”. (D.D/Shuplaka)