Kreu i Partisë Demorkatike Lulzim Basha, ka çelur fushatën elektorale në qytetin e Kavajës, ku ka prezantuar kandidatin për deputet Isa Saken.
Duke iu referuar kryeministrit Edi Rama, lidhur me ndryshimin e kandidatëve për kryetar bashkie në këtë qytet, Basha është shprehur se ata-rilindasit, janë “të çoroditur si pula pa kokë”.
“Ja tek i shoh studentët e dhjetorit, liderët e lëvizjes që solli ndryshimin e madh, njerëz të sakrificës e të qëndresës. Ja tek i shoh shokët e trimerisë që përmbysi diktaturën, ja tek e shoh rininë e Kavajës, që e zmbrapsi planin e Republikës së Vjetër për zgjehdje moniste dhe paralajmëroi shembjen e të vjetrës dhe lajmëroi ardhjen e Republikës së Re.
Po të mos ishte për qëndresën e Kavajasve, shpirtin tuaj, për mençurinë dhe forcën që ju treguat, diktatura do ia kishte dalë ta zgjaste në datën dhe Rëpublika e vjetër do vazhdonte teatrin e Kukullave, pro falë Zotit shqiptarët u bashkaun, kavajasit u bashkuan. Historia e ka treguar se kur Kavaja është bashkë, e jona është fitorja.
Duruat katër vite, katër vite të vështira në Kavajën e intelektualëve, profesoreve, menaxherëve, ku nuk udhëhoqi viryti, as kultura as tradita, por fytyrat më të shëmtuara.
Katër vite tallje me dinjitetin Nga Edi Rama me Elvis Rroshin me shokë, që menduan se mund të bënin historinë e lavdishme të këtij qyteti dhe të zabtonin një qytet të tërë, dhe jo një qytet dosido, por zemrën e lirisë dhe demokracisë. Sot janë strukur skutave ku e kanë vendin dhe sot ky qytet është i lirë dhe bëhet gati të marrë në dorë lirinë e tij.
Për lirinë e Kavajës, nuk ëhstë thjesht bashkimi i çdo demokrati, por bashkimi i çdo qytetari, i çdo banori të Kavajës.
Jemi bashkë rreth kandidaturës së kryetaret të bashkisë, Isa Sakës, shërbëtorit të ardhshëm të qytetit të Kavajës, ata janë çoroditur si pula pa kokë, pasi janë zprapsur para të rinjve të kavajës. Nuk kemi kohë u mësojmë as emrat e kandidatëve që ndërrojnë se nuk janë emra që vlejnë, hiq Hasan e vë Hysen, më falni Hysenat demokratë e kavajas që ndodhen këtu, e di pse i ndërrojnë kështu, sepse janë gurë shahu në duart e Gencit dhe Ervinit, duan ta kontrollojnë prapë Kavajën sepse më 25 qershor ju do e merrni vetë në dorë Kavajën, birin tuaj Isa Sakën nuk do ta kontrollojë askush. Më 25 qershor do votoni numrin 3 për kryetar bashkie. Pse i bini kaq gjatë, Taku, Taku, Taku… Kavaja është fushëbeteja vendimtare.”, tha Basha. (D.D/Shuplaka)
Discussion about this post