Kreu i opozitës Lulzim Basha ka reaguar për dhunën që po ndodh në godinën e Kuvendit maqedonas, dhunë që stiset pas zgjedhjes së të parit kryetar kuvendi shqiptar, Talat Xhaferri.
“Sigurisht që është një ngjarje shumë e rëndë tronditëse në vetvete, sidomos për shqiptarët ku deputetët shqiptarë janë goditur në një ditë të shënuar pas zgjehdjes së kryetarit të Kuvendit i cili është shqiptar. Dua të kujtoj se kriza ka nisur si një krizë mes dy partive kryesore, me partinë e Gruevskit dhe të Zevit, krizë e nisur prej publikimit të kasetave me përgjime për skandale të korrupsionit.”, shprehet Basha.
Kështu është shprehur kreu i opozitës, i cili është i ftuar në emisionin “Opinion” të gazetarit Blendi Fevziu. Ndër të tjera, Basha ka ofruar mbështetjen e tij për shqiptarët në Maqedoni.
“Në këtë moment mendoj se si kryeta i opozitës, dua të theksoj në radhë të parë mbështetjen tonë për shqiptarët në Maqedoni, me kërkesën për të qëndruar sa më të ftohtë, çdo veprim në fuksion të
stabilitetit, demokracisë. Si zgjidhet kjo është çështje e brendshme e partive maqedonase, interesi ynë si shqiptarë është një Maqedoni e qetë, demokratike, europiane dhe demokratike që garanton të drejtat e komunitetit shqiptar që është shtetformues në Maqedoni.”, shton kreu i opozitës. (D.D/shuplaka)
