Basha përgjigjet për letrën e Merkel: Shqetësim i madh për zgjedhjet! (VIDEO)

Kryetari i Partisë Demokratike Lulzim Basha përgjigjet për letrën e partisë së kancelares gjermane Angela Merkel, e cila i kërkon që të lërë bojkotin në Parlament, pavarësisht mundësisë së manipulimit të zgjedhjeve.

Në një lidhje të drejtpërdrejt për emisionin “Opinion”, Basha shprehet se letrën e partisë CDU e shikon si një shqetësim shumë të madh për zgjedhjet.

“Shqetësim shumë, shumë i madh për zgjedhjet. Dhe ky është kontribut i një aleati me një kontribut të jashtëzakonshëm për Shqipërinë Europiane, Gjermanisë, dhe partisë tonë simotër CDU-së dhe grupit parlamentar CDU-SDU. Absolutisht që ky rezultat vjen si pasojë e njohjes së thellë të problematikës. Denoncimit të kësaj probkematike pak metra më tej të z. Krishbaum, mohimit dhe fshehjes së kësaj problematike nga kryeministri disa ditë para se të shkonte te Kancelarja e cila po kështu përsëriti qartësisht problemin e zgjedhjeve të lira dhe të ndershme.

Problemi pra është përtej diskutimit. Në çdo deklaratë që është bërë qoftë përfaqësuesit të Amerikës në Tiranë, problematika është ajo që themi dhe që konstatojmë ne. Ne na takon të japim rrugën e zgjidhjes. Dhe ne kemi parashtruar me qytetarët shqiptarë të vetmen rrugëzgjidhje që ka mbetur që është rruga e qeverisë teknike.

Shqetësimi për bojkotin parlamentar dhe mos regjistrimi në zgjedhje është shqetësimi i miqve që duan që kjo të kalojë me sa më pak kosto për Shqipërinë. Unë e mirëkuptoj këtë shqetësim por dua të përsëris nëpërmjet dritares së “Opinion” për qytetarët shqiptarë siç kam informuar miqtë në Ëashington, që do ti informoj edhe në qendrat e tjera të politikbërjes në Evropë që kjo nuk është dëshira jonë, nuk është zgjedhja jonë. Jemi të detyruar drejt kësaj mase ekstreme pikërisht për të detyruar qeverinë të mos shkatërrojë tullën e fundit të demokracisë dhe destabilitetit të bashkëjetesës demokratike që janë zgjedhjet e lira dhe demokratike.

Kemi dhënë një zgjidhje të ndershme për të gjitha palët. Në momentin që kjo zgjidhje ekzekutohet Partia Demokratike dhe aleatët sigurisht do ti japin fund bojkotit në parlament dhe do të marrin pjesë në procesin zgjedhor të lirë dhe të ndershëm me qeveri teknike që garanton kushtet. Këto nuk varen sërish nga unë. Varet kur do ti thërrasë mendjes Edi Rama, kur do të hapë veshët të dëgjojë qytetarët. Rrugë pas nuk ka dhe nuk ka për të pasur.”, shprehet Basha. (D.D/Shuplaka)