Në seancën e sotme plenare, kreu i Partisë Demokratike Lulzim Basha, është përqafuar me kryetaren e Lëvizjes socialiste për Integrim Monika Kryemadhi.
Ka qenë Basha ai që është afruar pranë Kryemadhit për ta takuar, ndërsa kanë shkëmbyer edhe një përqafim të përzemërt me njëri-tjetrin.
Më pas, Basha ka takuar edhe Petrit Vasilin si edhe deputetët e tjerë të LSI-së që ndodheshin në radhë.
Ky duket si një sinjal që shumë shpejt do të shohim një bashkim forcash mes dy partive opozitare, kundër qeverisë Rama II. Megjithatë mbetet ende për të parë nëse vërtet do të kemi një formacion të madh opozitar të bashkuar apo jo, megjithatë shenjat janë pozitive. (D.D/Shuplaka)
Discussion about this post