Kreu i opozitës Basha ka folur sot përpara studentëve të pranishëm në cadrën e vendosur para kryeministrisë duke u thënë se gjëja e parë që do të bëjë kur të vijë në pushtet do të jetë anulimi i ligjit për arsimin e lartë.
“Orën time të parë do të firmos anulimin e ligjit për arsimin elartë, që ka bërë shqiptarët të paguajnë dyfish për të shkolluar bijtë dhe bijat e tyre. Ne nuk do të pranojmë kurrë që vendimet për arsimin e lartë ti bëjnë anjë grusht politikanësh dhe për më tepër ministrja e salcës. Këto do ti marrin trupa e pedagogëve dhe studentëve, ne do të financojmë arsimine lartë. Nuk do ketë asnjë të ri dhe të re shqiptare që do të mbetet pa shkollë prej mundësive ekonomike. Mos prisni as më shumë e as më pak sesa modelin europian të arsimit nga unë”, ka thënë Basha.
Basha tha ndër të tjera se ai dhe PD do të ndërtojnë një skemë nga e cila do të përfitojnë shumë studentë ku të gjithë do të kenë mundësi të studiojnë dhe mos të përjashtohen prej kriterit ekonomik.
“Do të hapim 10 mijë stazhe në vit me 200 mijë lekë në muaj dhe me sigurime shoqërore”, tha ai më tej.
Më herët Basha u ka bërë thirrje studentëve që t’i bashkohen lëvizjes së PD dhe të krijojnë një “republikë të re” sic e ka quajtur ai.
(M.D/ Shuplaka)
