Kreu i PD-së Lulzim Basha është shprehur mjaft optimist për proçesin e ri që ka hapur kjo parti me propozimin e deputetëve të ardhshëm të Shqipërisë, nga të gjithë qytetarët si brenda edhe jashtë vendit.
“Kam hapur në Shqipëri një proces konsultimi jo vetëm për anëtarësinë por me mbarë qytetarët shiqptarë për të propozuar deputetet e ardhshëm, kandidatët e ardhshëm të Partisë Demokratike për deputet në Kuvendin e shqipërisë.
Është hera e parë që një proces i tillë në Shqipëri. Jam shumë i inkurajuar nga cilësia e emrave që janë propozuar nga brenda dhe jashtë vendit deri tani. Proçesi vazhdon dhe jam i bindur se me këtë cilësi propozimesh lista e ardhshme e Partisë Demokratike, do jetë lista më përfaqësuese e interesit të qytetarëve shqiptarë në zgjedhjet e ardhshme.”, shprehet Basha.
Më pas, kreu i opozitës shton se partia e tij do t’u rikthejë shqiptarëve pushtetin i cili tani është në duart e një grupi të vogël njerëzish.
“Partia Demokratike do t’i ofrojë shqiptarëve jo thjeshtë një ndërrim pushteti por kthimin e qytetarëve shqiptarë në pushtet sepse sot pushteti është në duart e një grushti të vogël njerëzish që kanë gjithë pushtetin politik, ekonomik dhe mediatik.”, është shprehur Basha.(K.P/SHUPLAKA)
