Kreu i opozitës Lulzim Basha në mbyllje të fjalës së tij në ditën e 60-të të protestës ka pyetur të pranishmit nëse duan që ai të tërhiqet nga kjo betejë.
Pas konfirmimit të tyre Basha u shpreh edhe më i qartë ‘asnjë tërheqje’. Ai vijoi më tej duke thënë se qeveria teknike është e vetmja zgjidhje që vendi të shkojë në zgjedhje.
‘’Sot jam më i qetë dhe më i qetësuar se dje se duke u përplasur me gënjeshtrën ne prekim thellësinë e kauzës sonë.
Ndaj miqtë e mij le të gëzohemi bashkë siç e kemi kthyer këtë vend në vendin e shpresës që po lind. Asnjë çast nuk ka munguar shpresa te e nesërmja.
Nëse rekomandoni tërheqje dua ta dëgjoj: asnjë tërheqje, qeveri teknike për zgjdhje të lira e të ndershme, gëzuar 60 ditët e betejës sonë’’, u shpreh Basha.
Më parë ai ishte shprehur se pavarësisht deklaratave të diplomatëve të huaj që kanë lexuar vjershat e shkruara nga Taulant Balla vendi do të shkojë patjetër drejt qeverisë teknike.
Krimi dhe korrupsioni në vend sipas Bashës bëjnë që kapja e zgjedhjeve nga Rama të jetë shqetësimi numër 1 i opozitës dhe shqiptarëve. (E.K/SHUPLAKA)
Discussion about this post