I fortë në deklaratën e tij sërish këtë të shtunë kryedemokrati Lulzim Basha. ”Karriera jote është mbajtur me leje ndërtimi, tendera dhe pazare, tani ke nxjerrë në pazar postin e Presidentit”, shkruan Basha për kryeministrin Edi Rama.
Basha, siç e ka propozuar edhe dje, mendon se populli duhet zgjedhur nga populli.
”Edi Rama, karriera politike e të cilit nga dita e parë deri më sot është mbajtur me leje ndërtimi, tendera dhe pazare, tani ka nxjerrë në pazar postin e Presidentit të Republikës. Me të kërkon të joshë dhe mëkatojë opozitën që ajo të braktisë lëvizjen popullore dhe fatet e qytetarëve. Por opozita nuk kërkon dhe nuk pranon asnjë lloj pazari politik në kurriz të zgjedhjeve të lira e të ndershme, as me me postin e Presidentit dhe me asgjë tjetër.
Në vizionin e Republikës së Re Presidenti i Republikës i takon popullit dhe do të zgjidhet nga populli me votë të drejtpërdrejtë. Por Edi Rama dhe Ilir Meta nuk e duan presidentin e zgjedhur nga populli, sepse nëse hyn populli në mes u prishen pazaret. Ndaj në vend që të bashkoheshin me nismën që ne shpallëm për një president të zgjedhur nga populli, ata heshtin. Në republikën e vjetër dhe në projektin e Edi Ramës populli nuk figuron, fatet e qytetarëve nuk ekzistojnë. Gjithçka ka të bëjë vetëm me pushtetin e tij, gjithçka bëhet vetëm për pasurinë e tij. Asgjë për qytetarët.”, argumenton Basha. (V.G/SHUPLAKA)
Discussion about this post