Kryetari i PD-së, Lulzim Basha në fjalën e tij në parlament, ka treguar një takim të Kryeministrit Rama me fermerët e Divjakës.
Basha tha se fermerët i kishin treguar se kur i kishin shprehur shqetësimin e tyre Ramës se tonelatat e prodhimeve të tyre kanë mbetur pa u shitur, Rama iu kishte thënë se ata e dinë vetë ku t’i fusin.
Basha e cilësoi këtë akt të padenjë dhe për një pijanec ordiner dhe jo më për një Kryeministër.
“Si mund të presësh që këta të votojnë rezolutën, kur këta nuk votojnë lekë për tekstet e shkollave dhe fëmijët shqiptarë. Dje isha në Divjakë dhe e pashë e preka nga afër gjendjen e keqe të fermerëve atje. Mijëra tonelata prodhime ata nuk i shisnin dot. Katër vjet më parë vinin trajlerat dhe kamionët nga Kosova e Maqedonia për tua marrë, sot nuk vjen as një fugon nga Tirana. Edi Rama kishte qenë në Divjakë një javë para meje. Dhe kur fermerët i kishin qarë hallin ai u kishte thënë: “E dini vetë ju ku e fusni prasin dhe karotën”. Paska shkuar të bëjë adetin. Turp për pijanecin më ordiner dhe jo më për njeri që i thotë vetes kryeministër”, tha Basha.
(F.G/Faxweb)
Discussion about this post