Kreu i PD-së Lulzim Basha e ka quajtur një krim nxjerrjen e banorëve të Shkozës në rrugë për shkak të projektit të ”Unazës së Madhe”.
Ai shprehet se në fushatë ishte Edi Rama që përmes mashës së tij në Bashki, u premtoi shpronësim sipas tregut.
“Nxjerrja në rrugë e 150 familjeve në Shkozë, me një të rënë të lapsit, i kalon kufinjtë e mashtrimit, dhe është nje krim i vërtetë. Në fushatë ishte Edi Rama që përmes mashës së tij në Bashki, u premtoi shpronësim sipas tregut. Pasi ju mori votën ju thotë do ju jap bonus strehimi.
Por përtej mashtrimit tipik të Edi Ramës, kemi të bëjmë me nje krim, se krim eshte te permbysesh jeten e 150 familjeve, burrave e grave, femijeve e te miturve, te moshuarve. Ka vetem nje menyre per te zbutur kete drame, shpronesim sipas vleres se tregut. Ne do ta kerkojme me ngulm kete”, shprehet Basha.
Kujtojmë se sot banorët e Shkozës kanë nisur një protestë para ambasadës amerikane. Po ashtu përmes një letre ata i kanë shprehur shqetësimet e tyre ambasadorit Donald Lu.
(E.K/SHUPLAKA)
