Sot në fjalën e radhës të mbajtur para protestuesve në çadrën përballë kryeministrisë kreu i Partisë Demokratike tha se shteti është bërë një me krimin, ndërsa rilindasit kanë ngritur me bandat e tyre shtabet elektorale. Sipas Bashës krimi po vë në rrezik zgjedhjet e ardhshme dhe reforma ne drejtësi është në rrezik po ashtu.
“Në çdo fshat dhe qytet të Shqipërisë rilindësit kanë ngritur shtabet e tyre elektorale me trafikantë droge si Artur Bushi, trafikantë si Arben Ndoka etj. Këta njerëz duan të kapin zgjedhjet e ardhshme. Ky vend ka njohur diktatorë, por nuk ka njohur shtetin të bërë njish me krimin. Ky është rreziku më i madh që i kanoset çdo shqiptari. Prandaj janë vërsulur me shtabet e tyre kriminale. Njeriu që ka bërë këtë të mundur është ai që i themi kryeministri Rama. Krimi i bërë njish me pushtetin vë në rrezik zgjedhjet dhe drejtësinë. Sepse krimi zhduk drejtësinë e pakapur. Kush e beson se mund të ketë drejtësi të vërtetë kur kemi bandat në pushet dhe një qeveri të kapur nga krimi, gabohet. Kjo është e pamundur. Drejtësia dhe demokracia shkojnë bashke dhe janë të pazgjidhura. Nëse do zgjidhnim prokurorë dhe gjyqtarë të ndershëm ata do ishin në shënjestrën e mafies dhe të narkotrafikantëve. Kjo nuk është drejtësi, por padrejtësi”- tha Basha.
Basha foli përsëri për republikën e re teksa tha se ajo është garanci për demokracinë.
“Republika e re nuk do të ketë sens për kultin e individit dhe nuk është as shpikje as pronë e Lulzim Bashës. Republika e re është e standartit europian. Nuk është garanci për kryeministrin por për qytetarët, jo për pushtetin por për balancën dhe kundërbalancën e pushtetit. Me Republikën e re opozita e re do të ketë mekanizma të vërtetë për kontrollin e pushtetit. Shpëtimtari i vetëm i demokracisë shqiptare është vetëm qytetari shqiptari” u shpreh Basha. (M.D/ Shuplaka)
Discussion about this post