Kreu i opozitës Lulzim Basha ka rrëfyer sot në emisionin “Rudina” në Tv Klan, se kur ka qenë student në Hollandë, ka punuar për pak kohë në call center.
Basha rrëfen ekperiencën e tij si operator në call center dhe thotë se punonte nga ora 7 e pasdites deri më 11 të natës.
“Kam punuar në ‘Call Center’, në Holandë, gjatë kohës që isha student. Shisja në tregun amerikan një buletin financiar, që bënin dy vëllezër shumë të suksesshëm në këtë fushë në Holandë. Punoja nga ora 7 e pasdites deri në 11 të natës. Unë paradite isha në shkollë, prandaj më duhej të punoja pasdite. Puna më dha mundësinë të paguaja vetë studimet e mia dhe të fitoja para.”, tregoi Basha. (D.D/Shuplaka)
