Lulzim Basha ditën e sotme zhvilloi një takim me banorë të Rrogozhinës. Nuk kanë qenë të pakta bisedat që ka bërë me banorët e këtij qyteti duke dëgjuar shqetësimet e tyre.
“Kemi 3 javë pa ujë”, iu ankua një pensionist Fiqiret Voka Bashës. Edhe një tjetër, invalide, Emine Deda i tha Bashës që merr vetëm 44 mijë lekë në muaj e duhet të mbajë familjen me të.
Por pakënaqësi kishte edhe Tajari është një fermer i revoltuar. “S’kemi marrë asnjë subvencion”, i tregoi Bashës.
Basha gjatë fjalës së tij me qytetarët u demonstroi masën e tij, pullën fiskale, që do t’i mbajë larg tatimorët dhe hajdutët e shtetit. Lulzim Basha u tha banorëve se në këto zgjedhje ka vetëm një plan ekonomik para shqiptarëve.
“Vetëm unë kam një plan ekonomik, që ul taksat, rrit pensionet, rrit konsumin, rrit prodhimin, siguron mbështetje për njerëzit në nevojë, shkolla të mira me drekë të paguar për fëmijët dhe ndihmë të drejtpërdrejtë për fermerët. Kjo është oferta për shqiptarët, një plan ekonomik që funksionon në Europë, që do funksionojë dhe këtu, tha Basha.(J.V/Shuplaka)
