Lulzim Basha ndodhet në SHBA për ceremoninë e inagurumit të Donald Trump-it si president. Basha është takuar me Kongresmenin Dana Rohrabacher, Kryetarin e Komisionit për Europën të Kongresit Amerikan.
Sipas Bashës Kongresmenin Dana Rohrabacher është njeri kyç për marrëdhëniet me Shqipërinë dhe është i lumtur që ai është mbështetës i vendit tonë.
“Dje pata një drekë pune me Kongresmenin Dana Rohrabacher, Kryetarin e Komisionit për Europën të Kongresit Amerikan. Ai është njeri kyç për marrëdhëniet me Shqipërinë dhe jam i lumtur që është mbështetës i vendit tonë. I shpreha Kongresmenit nevojën e madhe që ka Shqipëria për mbështetjen e Amerikës jo vetëm politikisht, por edhe me ndihmë teknike dhe mbështetje ekonomike. Mora premtimin për angazhimin e tij personal për të na mbështetur në reformat ekonomike dhe qeverisëse që do të ndërmarrim”, shkruan Basha në Facebook. (J.V/Shuplaka)
