Kreu i Partisë Demokratike Lulëzim Basha ndodhet në Shtetet e Bashkura të Amerikës për ceremoninë që do të zhvillohet nesër për zgjedhjen e Donald Trump-it si president i vendit.
Në këto ditë qëndrimi në ShBA Basha është takuar edhe me Senatorin Ted Cruz me të cilin ka zhvilluar një bisedë. Sipas Bashës Ted Cruz është një jurist i shkëlqyer, prokuror dhe avokat i suksesshëm i Shtetit të Teksasit dhe njohës i rrallë i politikave publike, i cili i ka ofruar disa këshilla interesante për të luftuar korrupsionin dhe forcuar drejtësinë në vendin tonë.
“Dje kisha nderin të isha i ftuar në pritjen e organizuar nga Senatori Ted Cruz me të cilin pata një nga bisedat më mbresëlënëse. Jurist i shkëlqyer, prokuror dhe avokat i suksesshëm i Shtetit të Teksasit dhe njohës i rrallë i politikave publike, ai më ofroi këshilla interesante për të luftuar korrupsionin dhe forcuar drejtësinë.
Ted Cruz është vetë mishërimi i ëndrrës amerikane: me baba kubanezo-spanjoll dhe nënë irlandeze, i lindur në Kanada dhe i rritur në Teksas, sot është figura kyçe e Senatit dhe një ndër politikanët më të rëndësishëm të Amerikës. Kjo karrierë është e mundur vetëm në një vend të lirë dhe të hapur për të gjithë”, shkruan Basha në Facebook. (J.V/Shuplaka)
Discussion about this post