Kreu demokrat është takuar me presidentin amerikan Donald Trump. Basha ka njoftuar se ka mbyllur me sukses vizitën dyditore përtej Atlantikut ku ka takuar liderin amerikan.
“Vizioni dhe kauza e tij janë frymëzim dhe inkurajim kolosal për lëvizjen tonë”,-shkruan Basha.
Deklarata e Bashës:
Takim i jashtëzakonshëm me Presidentin Donald Trump! Vizioni dhe kauza e tij janë frymëzim dhe inkurajim kolosal për lëvizjen tonë për një Republikë të qytetarëve, me ekonomi të fortë dhe të nesërme të sigurt për të gjithë shqiptarët.
Sapo mbylla një vizitë dy ditore në Shtetet e Bashkuara të Amerikës gjatë Javës së Shtëpisë së Bardhë për Zhvillimin e Fuqisë Punëtore ku po diskutohen iniciativat e administratës Trump mbi uljen e taksave, trajnimin profesional, stazhet e punës dhe financimin e studimeve.
Mirënjohje të pakufishme Presidentit Trump dhe SHBA për mbështetjen për Shqipërinë dhe shqiptarët!
(M.D/Shuplaka)
Discussion about this post