Basha takon Ahmetin: Përfshirja e shqiptarëve në qeverisje, të garantojë barazinë

Kryetari i PD-së, Lulzim Basha, ka takuar këtë pasdite kreun e BDI-së, Ali Ahmeti.

Nëpërmjet një postimi në rrjetet sociale, Basha shprehet se i ka thënë Ahmetit që përfshirja e shqiptarëve në qeverisjen e ardhshme maqedonase është shumë e rëndësishme dhe duhet të garantojë marrëveshjen e Ohrit.

Pata nderin dhe kënaqësinë të prisja dhe bisedoja me Ali Ahmetin. Shkëmbyem mendime për problemet politike të ditës. I shpreha Zotit Ahmeti bindjen se përfshirja e shqiptarëve në qeverisjen e ardhshme maqedonase duhet të garantojë zbatimin e Marrëveshjes së Ohrit dhe respektimin e plotë të lirive, të drejtave dhe barazisë së shqiptarëve në shoqërinë dhe shtetin maqedonas”, shkruan Basha.