Kreu i PD-së, Lulzim Basha gjatë vizitës së tij zyrtare në Bruksel, ka takuar disa nga liderët e PPE-së dhe eurokomisionerët europianë. Basha tha se protesta e shqiptarëve në 27 janar ka dhënë rezultate për dhe në Bruksel.
“Duket qartë se zëri i shqiptarëve të bashkuar më 27 janar kumbon fuqishëm edhe këtu në Bruksel në zemrën e Bashkimit Europian, në institucionet e Bashkimit Europian dhe në Parlamentin Europian. Ka një shqetësim të jashtëzakonshëm të institucioneve europiane dhe të përfaqësuesve të vendeve anëtare për ngecjen e reformës në drejtësi dhe për kapjen e drejtësisë, e cila mishërohet nga rasti “Tahiri,”-tha Basha.
Basha theksoi se Brukseli dhe Europa e kanë kuptuar se Kryeministri Rama ka vetëm një produkt që është droga.
“Dhe unë nuk kam pikë dyshimi se partnerët e kanë kuptuar që, përtej fjalëve të bukura, propagandës, Edi Rama, përfaqëson atë që këta tani e masin vetë pas 5 vitesh të tij në pushtet, më shumë drogë eksportohet prej tij, më shumë krim eksportohet nga Shqipëria drejt Europës prej tij dhe më shumë emigracion i paligjshëm. Ky është produkti i Edi Ramës në raport me Europën.”-tha Basha.
(F.G/Faxweb)
Discussion about this post