Kreu i Partisë Demokratike Lulzim Basha Lulzim Basha ka shkuar sërish tek Unaza e Re për të mbështetur banorët e Astirit në mbrojtje të banesave të tyre.
Basha tha se tashmë protestat që po shpërthejnë njëra pas tjetrës I bashkon motivi për të protestuar ndaj një qeverie që ideal ka vetëm grabitjen.
“Merremi pak me gjërat e rëndësishme shikoni çfarë po ndodh kemi protestën te Unaza që duan t’i nxjerrin nga shtëpitë para dimrit. Kemi protestën në Shkozë që i kanë premtuar me video dhe më zë që nuk do i prishim shtëpitë.
Kemi grabitjen te Teatri Kombëtar, ku duan të prishin një vepër arti, për të ndërtuar kulla dhe për të nxjerrë atje 200 milionë euro.
Dhe kemi protestën e studenteve që duan të vjedhin vit pas viti tarifa. Çfarë i bashkon këto protesta? Një qeveri që ka vetëm grabitjen.
Motivi që i bashkon është vetëm grabitja. Ketu te Unaza e Re ka një aferë të konsiderueshme korruptive”, tha Basha.
“Për herë të parë këtu njerëzit po kuptojnë se kjo qeveri është nja bandë. Edi Rama nuk i çon paratë tek arsimi, çon 40 milionë euro tek sheshi, por shkoni shikoni si janë kushtet në Qytetin Studenti, shikoni biblotekat, mensat. Lekët që duhet të shkonin për rininë, Edi Rama i do injorantyë se kështu o qeveris, vjedh dhe mashtron kollaj”, shtoi ai, duke shtuar se tashmë ka mbetur që të gjithë të bashkohen për të shembur këtë qeveri që është një e keqe kombëtare.
Ndërkohë që sot është dita e 33-të e banorëve të Astirit dhe nuk kanë dhënë shenja që do të tërhiqen nga kauza e tyre për mbrojtjen e pronave të tyre.
