Kreu i opozitës Lulzim Basha nga protesta e sotme i bëri thirrje ambasadorit amerikanë që t’i heqë vizën amerikane kryeministrit Edi Rama.
Kjo sipas Bashës pasi Rama duhet të jepte llogari para drejtësisë amerikane pasi pagoi 80 mijë euro për një foto me presidentin amerikan tashmë të zëvendësuar Barack Obama. Sipas kreut të opozitës për heqjen e vizave nuk duhet të përdoren dy standarde.
‘’I bëj thirrje ambasadorit amerikan t’i heqë vizën amerikane Edi Ramës. Ka konsumuar një vepër penale pasi ligji amerikan e thotë qartë se kush paguan për të bërë një foto me një personazh politik dënohet. Nuk është vendi që unë t’i tregoj drejtësisë amerikane se çafrë duhet të bëj, po e ripërsëris thirrjen për ambasdorin, hiqi vizën Edi Ramës’’, u shpreh Basha.
Kujtojmë se pak kohë më parë viza amerikane iu mohua disa njerëzve të drejtësisë në vend, duke përfshirë dhe kryeprokurorin Adriatik Llalla.
Vetë ai dhe Lu u përfshinë në një debat të ashpër me njëri-tjetrin me akuza dhe kundërakuza. Ndërsa tashmë gjithçka duket se është harruar. (E.K/SHUPLAKA)
Discussion about this post