Kryetari i Partisë Demokratike në një konferencë për shtyp pas takimit të sotëm me aleatët, ka ftuar sot shqiptarët nga veriu në jug të bashkohen në protestë kombetare për largimin e Xhafajt dhe heqjen e pengesës krtyesore të Shqiperisë Evropiane.
Basha ka njoftuar se me 26 maj në Tiranë do të mbahet protesta kombëtare për një Shqipëri të çliruar nga qeveria e lidhur me krim.
“I ftoj qytetatët që të protestojmë së bashku për largimin e Fatmir Xhafajt.I ftojmë të protestojmë për largimin nga policia të atyre që ndihmojnë kriminelët si Agron Xhafaj, Habilajt, Balilajt. Ne do t’i themi ndal procesit të zëvendësimit të kriminelëve që i shërbenin Tahirit me ata që i shërbejnë Xhafajt. Sot duhet të kemi një Ministri të Brendëshme dhe një polici që i shërben njerëzve. Jo një polici që rrëmben në mes të natës Zaganin dhe kuksianët e pafajshëm, ndërkohë që i nënshtrohet Artan e Moisi Habilajt dhe Agron Xhafajt.
Ne duam një polici ku vetingu të fillojë nga Ministri i Brendshëm tek polici më i thjeshtë. Ka nuk ka asnjë lidhje me krimin dhe me kriminelë as polici i thjeshtë dhe as Ministri i Brendshëm. Ne i ftojmë qytetarët për të protestuar për drejtësi të vërtetë dhe jo fallco. Për drejtësi të barabartë për të gjithë. Për drejtësi që nuk kursen asnjë politikan.Të gjithë ne pavarësisht kujt parti i përkasim, pavarësisht se ku jetojmë, pavarësisht se në çfarë besojmë, jemi në rradhë të parë shqiptarë.
Edi Rama e mbrojti, por ne e larguam Armando Prengën
Edi Rama e mbrojti por ne e larguam Arben Ndokajn
Edi Rama e mbrojti por ne larguam Mark Frrokun
Edi Rama e mbrojti por ne larguam Elvis Roshin
Edi Rama e mbrojti por ne larguam Saimir Tahirin
Sot Edi Rama po mbron Fatmir Xhafajn, por ne do ta largojmë.
Qëndrimi i Fatmir Xhafajt si Ministër i Brendshëm është kosto për Shqipërinë, ështrë goditje për drejtësinë.Shqipëria ka njerëz të ndershëm që mund t’i shërbejnë popullit. Prej katër vjetësh Edi Rama u dha pushtet kriminelëve dhe luftoi popullin. Por ne kemi treguar në këto aktër vjet se ne jemi më të fortë se krimi, jemi më të fortë se Edi Rama. Pushteti u takon njerëzve dhe jo ministrave. Pushteti është i popullit dhe jo i kryeministrit. Nuk ka ndryshuar BE sic gënjeyu sot përsëri Edi Rama. Nuk ka ndryshuar klima.
Klima është e njëjta.
Nuk hapen negociatat pa luftuar krimin dhe politikanët e lidhur me krimin
Nuk hapen negociatat pa e ndare qeverisjen nga krimi
Nuk hapen negociatat kur qytetaret e pafajshem plasen ne burg por kur Ministri i Brendshem dhe Kryeministri kapin shtetin për të mbrojtur krimin e organizuar dhe vëllain trafikant droge.
Ky ka qene mesazhi i Brukselit dhe vendeve anëtare tash 5 vjet.
Ky është akoma më I fortë dhe më i qartë mesazhi i Samitit te Sofjes.
Klima nuk ka ndryshuar.
As BE dhe as vendet anëtare nuk janë pengesa. Edi Rama është pengesa. Fatmir Xhafa është pengesa. Kryeministri dhe ministrat e lidhur me krimin, për pushtetin dhe pasurinë e tyre në kurriz të shqiptarëve janë pengesa.
Qeveria Rama është pengesa e vetme per rrugëtimin europian dhe mirëqenien e shqiptarëve.
Ndaj i ftojmë të gjithë qytetarët të bashkohemi të shtunën me 26 qershor në Tiranë, në protestën kombëtare për një Shqipëri të cliruar nga qeveria e lidhur me krimin.
I ftojmë të gjithë qytetarët të bashkohemi të shtunën me 26 qershor në Tiranë për një Shqipëri të cliruar nga qeveria anti popullore e Edi Ramës që ka tradhtuar interesat e njerëzve të thjeshtë duke bashkëpunuar haptas me krimin për pushtetin dhe pasurinë e tij.
I ftojmë të gjithë qytetarët të bashkohemi të shtunën me 26 qershor në Tiranë për një Shqipëri të cliruar nga qeveria anti-europiane që me rekordet e saj të zeza të korrupsionit dhe bashkëpunimt me krimin pengon ëndrrën e të gjithë shqiptarëve për Shqipërinë si gjithë Europa.
Tani është koha të mos e lëmë fatin e Shqipërisë Europiane në duart e qeverisë më anti europiane.
Së bashku do ja dalim!
(M.Q/Faxweb)
