Kryetari i Partisë Demokratike, Lulzim Basha, ishte sot në qytetin e Laçit, ku u takua me banorët. Në këtë takim elektoral, ai u ndal tek deklaratat e Ramës mbi timonin dhe deklaratat kontradiktore sipas tij të kreut të PS-së, i cili shprehet së fundmi se duke votuar për të është si të votohet për Ismail Qemalin apo Skënderbeun.
Në përfundim, ai u bëri thirrje banorëve që të vijnë në Tiranë më 25 qershor për t’iu bashkuar fitores.
“Timonin për jetën tuaj me Lulzim Bashën kryeministër, do ma jepni vetë ju. Do të punoj për motorin, që është ekonomia e fortë. E di dhe Edi Rama që i vetmi me plan ekonomik jam unë, siç nuk kishte plan ekonomik para katër vitesh. E dini se të vetmit me plan jemi ne.
Ngaqë është pa plan, ngaqë nuk di çfarë thotë, një ditë flet si kryetar opozitë, ndërkohë që këto ditë thotë se duke votuar për të është si të kemi votuar për Ismail Qemalin dhe Skënderbeun. Të dielën t’i themi Edi Ramës se nuk votohet për Ismail Qemalin, Skënderbeun, por për ekonominë.
Edhe unë ju dua shumë, nuk ka nevojë të më merrni peng se unë vij me dëshirë këtu. Mos ia jepni votën atij që nuk di të ngasë as makinën, as anijen.
Në orën 19:00 të së dielës derdhuni në sheshin e Republikës së Re, do festojmë së bashku, bashkohuni me qytetarët e Tiranës.”, u shpreh ndër të tjera Basha gjatë takimit elektoral në Laç.
(XH.A/SHUPLAKA)
Discussion about this post