Basha tregon ARSYEN pse Rama e refuzoi debatin politik live

Kryetari i Partisë Demokratike, Lulzim Basha, ka zbuluar sot arsyen përse sipas tij Rama e refuzoi debatin televiziv.

Sipas Bashës, shkaku është i thjeshtë, ato që i ka kërkuar ai Ramës, ky i fundit nuk i ka, as bilanc dhe as program, të cilat mund t’i prezantojë në debatin politik live.

Kryetari i opozitës i kërkoi banorëve që kur Rama të shkojë në Pogradec, t’i kërkojnë të pranojë ftesën dhe të dalë në debat televiziv.

Ky reagim i Bashës vjen një ditë pas deklaratës së Ramës në “Opinion”, i cili u shpreh se refuzon ftesën për shkak se “nuk ka ndërmend ta ndihmojë”.

“Pse thoni që e refuzoi debatin? Ju thoni “Ka frikë”. Unë nuk do ta sulmoj fizikisht.  Nuk ka asnjë lloj frike këtu. A duhet ët dalë edi rama në debat me mua apo jo? Doni ju që të ketë një debat, a duhet të bëjë Edi Rama bilancin?

Bilanc nuk ka, program nuk ka, prandaj nuk del. Premtoi 300 mijë vende pune, por ka papunësi, premtoi shëndetësi falas, shëndetësia në pikjatë. Kjo është arsyeja pse nuk do debat me mua. Kur të vijë këtu, thuajini “Dil në debat me kryetarin e opozitës, demokracia e merion, Shqipëra e meriton debatin.”

(XH.A/SHUPLAKA)