Kreu i opozitës Lulzim Basha ka vijuar protestën e tij në çadrën e opozitës. Në takimin e sotëm shumë qytetarë kanë shprehur shqetësimin e tyre në lidhje me nivelin e papunësisë në vend.
Njëri prej tyre ishte dhe një i ri që edhe pse kishte mbaruar të gjitha nivelet e studimit, ishte ende i papunë.
Duke e ftuar pranë tij Basha u shpreh se Rama nuk do ti përdorë dot këta të rinj si gur shahu. Ai u rikthye edhe njëherë te pazaret e vjetra të Ramës, duke tentuar për të blerë aleatët që të hynin në zgjedhje.
‘’Faqja tjetër janë ofertat e ndryra që iu bëhen aleatëve tanë që të bëhen pjesë e procesit. Njëri aleat i ofrohen 15 deputetë, tjetrit 10 vetëm e vetëm që të hyjnë në zgjedhje.
Aleatët tanë i thanë jo, ata janë në këtë betejë krah për krah jush jo për interesat e tyre, po për një Shqipëri më të mirë. Ky është bashkimi më i madh i shqiptarëve për zgjedhjet e lira dhe të ndershme. Edhe ndërkombëtarët që kanë ardhur i trajton si gurë shahu, e kuptoni që figurativisht ata edhe mund të lëvizin, e keni parasysh me çfarë, ‘’me zhake’’.
Jo mo çfarë jeni duke thënë se Rama nuk ka lekë. I vërtetë prej mishi dhe prej gjaku është ky kryefamiljar që ka një fëmijë gjashtë muajsh dhe nuk ka një punë, pavarësisht kualifikimeve Ju e dini fare mirë sa e vështirë është bërë sot.
Nuk është lojë shahu, është jeta e disa milionë shqiptarëve, Thirri mendjes nuk ka zgjedhje pa opozitën, nuk do të ketë një Parlament monist, mos abuzo me natyrën tonë paqësore dhe demokratike.
Kur ne të na soset durimi do ta kuptosh që kjo nuk është një lojë shahu. Qeverinë teknike që do garantojë votën e lirë, që do të garantojë zgjedhje të lira dhe të ndershme. Me kemi qenë shumë dhe do të jemi dhe më shumë’’, u shpreh Basha. (E.K/SHUPLAKA)
