Basha: Ju tregoj kush e dekonspiroi operacionin për arrestimin e tre drejtorëve të policisë

Kreu i PD-së, Lulzim Basha ka treguar sot para mediave se cili ishte personi sipas tij që dekonspiroi aksionin për arrestimin e kokave të policisë.

“Një gjë është e sigurtë, Fatmir Xhafaj me porosi të Edi Ramës dekonspiroi aksionin për arrestimin e drejtorëve të policisë. Arsyeja është e qartë. Edi Rama nuk mund të lejojë arrestimin e njerëzve të cilit do të luajnë rol në inkriminimin e drejtpërdrejtë të Fatmir Xhafës, Sajmir Tahiri edhe vetë Edi Ramës.

Si mund të pranojë Fatmir Xhafa të arrestojë drejtorin e policisë Vlorë, që e ka mbrojtur vëllanë e Xhafës, i cili edhe pse i dënuar për heroinë, bredh i lirë?!

Si mundet Fatmir Xhafa të firmosë një urdhër arresti-ndërkombëtar për tre kokat e policisë të lidhur me krimin ndërkohë kur ka 4 vite që nuk zbaton urdhërin e ndalimit të vëllait të tij?!

Këto fakte dhe shumë të tjera, pas nje studimi do t’i bëjmë të njohura publikisht se shtetit ka funksionuar gjithmonë si organizatë kriminale”,- deklaroi kryedemokrati. 

Ish-drejtori i policisë së Vlorës Jaeld Çela, ish-shefi i postës Kufitare Dhërmi, Sokol Bode dhe ish-shefi i Krimeve të Rënda dhe Krimit të Organizuar në drejtorinë e Vlorës, Gjergji Kohila janë shpallur zyrtarisht në kërkim pasi ndaj tyre janë lëshuar urdhër-arreste nga Prokuroria. Ende asnjë prej tyre nuk është arrestuar.

(F.M/Faxweb)

Fatmir Xhafaj dhe Saimir Tahiri