Basha ka folur pas mbledhjes së grupit parlamentar të PD-së. Në daljen për media ai shpjegoi edhe një herë se çfarë kishte ndodhur me 25 prill kur dy negociatorët erdhën në Tiranë.
“Keqardhje të madhe për numrin rekord të fake neës që janë prodhuar sot në portale dhe media të ndryshme.
Jam këtu për të zbardhur mbledhjen e grupit parlamentar dhe video-konferencën.
E vërteta është si vijon:
Grupi i PD u mblodh për një komunikim të drejtëpërdrejtë me Presidentin e PPE dhe eurodeputetin Hahn. U përcoll shqetësimi i PPE për krizën politike. U rikthye në vëmendje e marta e javës së kaluar. Marr përgjegjësitë e mia personale për mosshpjegimin me detaje për atë që ndodhi të martën e kaluar.
Pas takimit negociator të së martës, gjysëm orëe më vonë u ra dakort për dy takime në Pallatin e Kongreseve. Mua dhe dklegacionit na u paraqit një projekt me 3 pika ku paraqiteshin këto propozime:
- Shtyrja e zgjedhjeve me 16 korrik
- Zëvendësimi i 4 ministrive
- Dhe një paketë tjetër që përfshinte postin e kryetarit të KQZ-së opozitës, tryezë e OSBE, pjesëmarrje të OJQ-ve. Dhe një sërë propozimesh të tjera të dobishme.
Kundëroferta jonë ishte:
Prania e 4 ministrave u gjet e pamjaftueshmë, sepse Rama ka provuar që blen depuetë të opozitës dhe LSI, ekzistonte mundësia që ata 4 ministra të ishin në shërbim të Edi Ramës.
Kundërpropozimi ishte që kryeministri të propozohej nga PS dhe mazhoranca. Po ashtu dhamë si ofertë votimin elektronik dhe identifikimit biometric të qytetarëve. Na u tha nga OSBE nuk funksionon, e refuzuam me fakte. Në kontakt me 5 kompani europiane ne kishim marrë garanci që deri në 4 muaj mund të pajiseshim me qendra votimi elektronike”,- u shpreh Basha. (M.D/Shuplaka)
Discussion about this post