Kreu i Partisë Demokratike, Basha ka treguar detaje nga mbrëmja e 18 majit, kur u arrit marrëveshja PD-PS për zgjidhjen e ngërçit politik në vend. Në “Opinion”, Basha thotë se ishte kryeministri Rama ai që bëri ftesën për takimin kokë më kokë.
Po ashtu Basha u shpreh se vendimet në PD, i merr ai si kryetar i partisë, dhe jo Berisha.
“Shkova në atë takim kokë me kokë sepse e kërkoi Rama. Nuk mendova se do shkonim në një marrëveshje. Kisha konsumuar dy raunde me të. Ai nuk lëvizte nga pozicionet e tij. në e kishim pranuar paketën McAllister, ndërsa ai jo. Erdhi në takimin e njoftuar me partitë. Aty pati një qëndrim fraktar, dhe më pas kërkoi takim kokë më kokë. Unë insistova në një marrëveshje politike, në mënyrë që t’i hapej rrugë reformave të mëdha.
Ky nuk është takim mafiozësh. Janë bërë takime mafiozësh gjatë këtij viti. Këtë takim e kërkoi kreu i mazhorancës, dhe iu përgjigj kreu i opozitës. Unë përfaqësoj gjithë opozitën, asnjë parti i opozitës nuk ishte kundër këtij takimi”, tha Basha.
Ndërkaq i pyetur nëse marrëveshja e arritur me Ramën ishte më e madhe se paketa McAllister, Basha tha “akoma nuk jeni mësuar me faktin se unë marr më shumë nga sa negociohet”.
(M.D/Shuplaka)
Discussion about this post