Basha tregon planin e ‘Qeverisë Rama’: Sfidën personale e fitova në 2011, tani është një tjetër betejë

Ditën e sotme Lulzim Basha ka pasur një takim me gazetarët i cili ka filluauae në orën 17:00 në selinë blu.

Fjala e Bashës edhe pse me tone të ulta, ka nisur me kërcënime të hapura për Ramën, lidhur me protstën e nesërme në orën 18:30.

Ndërkohë që Basha ka vijuar më tej duke rikujtuar dhe njëherë dosjen 331 dhe 184. E pikërisht, Basha tregon këtu ‘planin’ që ka kryeministri Rama lidhur me vijimësinë e qeverisë.

“Dosja 339 dhe 184 janë themeli i ngrehinës së të keqes i të keqen që ka zaptuar Shqipërinë. Që rruga të hapet duhet që kjo të shembet me themel. Por që të hetohet 339 dhe 184 duhen prokurorë të pavarur. Gjiknuri duhet të ishte në burg si organizatori i shit blerjes së votave. Ai është sot kreu i fushatës elektorale për të ashtëquajtura zgjedhje lokale të 2019. Po ashtu Balla, Ulsi Manja duhet të ishte në burg.

Rama propozon ta cojë të keqen më thellë, të diktojë një tjetër proces zgjedhor që kryetarët e bashkive të jenë produkt i bashkëpunimit të Ramës me kriminelët dhe oligarkët. Rama sot në panik total foli me tone të ulura, plani i tij është i qartë, të godasë dhe frikësojë përballjen qytetare dhe për këtë i duhet të shkurajojë opozitën. Në vend që në burg të ishte Gjiknuri, u arrestua Klevis Balliu se doli në krah të qytetarëve. Kjo është arsyeja e rrahjes barbare të Dollapit. Beteja jonë nuk është sfidë personale. Me sfidë personale e kam mundur me votë në 2011-ën. Beteja jonë është për normalitet politik.  Pushtet me dhunë nuk mban dot“.

Në fund të fjalës së tij Basha nuk ka harruar t’u bëjë thirrje të gjithë shqiptarëve për të marrë pjesë në protestën e nesërme të opozitës, e cila është protesta e 5 kombëtare.

Thirrja ka qënë e hapur për të gjitha kategoritë e protestuesve, për të gjithë njerzit të cilët nuk ndihen të kënaqur nga qeverisja aktuale.

“Është e domosdoshme të rikthejmë themelin e themelit, votën e lirë.

Thënë shkurt dhe qartë, nëse pushtetari e lidh fatin me kriminelin ju braktisë dhe ju harron ju.

Me të vërtët ai e ka shumë të vështirë dhe ndoshta të pamundur për t’u ndarë nga ata që e sollën në pushtet ndaj i them që të mendojë mirë para se të bëjë hapa të tjerë.

Rruga për të dalë nga kjo krizë është rruga e lidhjes së fatit të parlamentit legjitim. Vetëm deputetët e Shqipërisë kur të kenë lidhur fatin e tyre me ju do të ofrohet mirëqënie.

Ligjet shqiptare nuk janë të këqia por ato nuk zbatohen. Është kjo betejë për këtë transformim të tillë që e kemi nisur sëbashkua ajo e cila nuk do e lërë Shqipërinë në muzgun e regjimeve aziatike por për ta ndryshuar atë. Kjo është rruga e vetme me të cilët duhet të ecim së bashku.

Bëhuni të gjithë bashkë, në të gjitha dimensionet e kësaj betej, pavarësisht a jeni student, pedagog, fermerë, profesionit, sipërrmarës, pensionistë.

Ejani ta ndërtojmë së bashku të ardhmen në vendin tonë duke filluar progresin nga këtu”-përfundoi
Basha.

(s.a/faxweb.al)