Kreu i Partisë Demokratike ka zhvilluar një takim me të rinjtë demokratë në seli, ku është shprehur se sa më i lirë të jetë njeriu për të zgjedhur, aq më e lartë është shoqëria. Basha tha se Partia Demokratike lindi në shtëpinë e lirisë, ndërsa sot lirinë e kërcënon një tirani e rrezikshëm dhe e kamufluar. Kryedemokrati tha se sot më i miri dhe i afti nuk ecën dot përpara. Basha kërkoi nga të rinjtë që t’i bashkohen protestës së 18 shkurtit, ndërsa njoftoi se vajza e Azem Hajdarit i bashkohet PD-së, pas studimeve në SHBA.
Gjithashtu ai tha se qytetarët do marrin fatin e vendit në dorë duke nisur më 18 shkurt.
“Arsimi i lartë, investimi më i madh që bën një familje. Shikoni çfarë ligji bëjnë ata. Gjithçka në dorë të pushtetit. Nëpërkëmbje e studentit dhe pedagogëve. Jo vetëm nuk rritën buxhetin për arsimin, por rritën barrën financiare për prindërit tuaj. Kur të vijmë në pushtet do anulojmë ligjin për arsimin e lartë. Sot kam bërë publike planin tim për 10 mijë stazhe për të sapodiplomuarit. Do ju mbështesim dhe do jem në krahun tuaj. Ky është vetëm një nga programet që do vërë në lëvizje motorët e zhvillimit. Liria themelore është liria për të zgjedhur. Prandaj duan të blejnë votën e lirë. Shpresën e kanë të prishin zgjedhjet. Fatin e vendit do ta marrin në dorë qytetarët. Më 18 shkurt të gjithë së bashku”, tha Basha.
Discussion about this post