Kryetari i PD-së Lulzim Basha në një deklaratë për mediat ka paralajmëruar kryeministrin Rama që të heqë dorë nga përdorimi i strukturave kriminale për ti bërë presion gazetarit Jetmir Olldashi dhe dëshmitarit Albert Veliu.
Basha tha se një të afërmi të Albert Veliut i janë ofruar 200 mijë euro për të përgënjeshtruar akuzat, duke shtuar se dëshmitari Albert Veliu dhe familja e tij janë kërcënuar nga njerëz të krimit të organizuar.
Ai tha se këto kërcënime nxjerrin në pah frikën që kanë ministri Fatmir Xhafaj dhe kryeministri Rama. Nga ana tjetër Basha u bëri thirrje të gjithë qytetarëve që ti bashkohen protestës së 26-majit.
“Jam sonte në këtë orë të vonë para jush për të denoncuar thellimin e skenarit kriminal të Xhafës e Ramës. Kanë kërcënuar Albert Veliun. Sot të dërguarit e Xhafës, njerëz të skeduar për vrasje mafioze nga Vlora e Fushë- Kruja, i kanë ofruar një të afërmi të Albert Veliut, dëshmitarit X, 200 mijë euro Veliut, para të pista, që ai të përgënjeshtroi deklarata e bëra publike. Cdo përpjekje e Ramës për të blerë dëshmitarin, thjeshtë i zhyt edhe më thellë në skandalin ku janë futur”, tha ndër të tjera Basha, i cili paralajmëroi se për çdo këcënim do të marrin përgjigjen më të fortë nga opozita dhe populli. (B.H/Faxweb)
Discussion about this post