Pas përfundimit të mbledhjes së grupit Parlamentar, kreu i opozitës Lulzim Basha, në një deklaratë për mediat është shprehur i hapur për të dëgjuar ofertën e qeverisë për zgjedhje të lira dhe të ndershme, edhe nëse nuk bëhet fjalë për krijimin e një qeverie teknike.
Mirëpo deklaroi se nuk besonte të kishte zgjidhje më të mirë se kjo për zgjidhje të lira dhe të ndershme. Kështu kushti sipas tij, është ofrimi i kushteve për të kryer zgjedhje të lira dhe të ndershme. Kjo duket më shumë si këmbëngulje se sa si heqje dore nga qeveria teknike.
“Nëse ka propozime që ofrojnë të njëjtat garanci që ne nuk i kemi dëgjuar, jemi të gatshëm të dëgjojmë, por jo të braktisim kauzën e qytetarëve për shkak të atyre halabakëve.
Ne marrim peshën e plotë të përgjigjësisë për ta nxjerrë Shqipërinë nga kjo krizë politike, por pa dorëzuar të drejtën e qytetarëve për të votuar lirisht.
Për ne kjo është zgjidhja, qeveria teknike, nëse ka zgjidhje të tjera realiste për votën e shqiptarëve, jemi të hapur t’i dëgjojmë. Kjo është rruga jonë, i takon palës tjetër të ofrojë çfarë mund të ofrojë. Po kërkojmë të ofrojë një rrugë për zgjedhje të lira dhe të ndershme, por jo një zgjidhje fasadë.
Me këtë vendim shkojmë në procesin e negociatave të propozuar nga presidenti i Republikës Bujar Nishani. Vendimi i grupit parlamentar është ky: të mbëhtesë qëndimin e PD-së dhe opozitës deri më tani. Prandaj nesër do kontaktojmë Nishanin sepse deri më tani s’kemi patur mundësi ta bëjmë, për të parë modalitetet.”, deklaroi Basha pas mbledhjes. (D.D/Shuplaka)
